Úrslit í Vormóti BR50

Vormóti í BR50 er lokið og var mjög góð þátttaka, 19 keppendur mættu til leiks, þar af 3 gestir og 2 unglingar.

Sigurvegari var Kristbjörn Tryggvason (Kiddi) með 241 stig og 8 X, annar varð Jón Kristjánsson, Skotfélaginu Markviss, einnig með 241 stig en 6 X og þriðji varð Bubbi (Wimol Sudee) með 235 stig og 3X.

Úrslit má sjá hér

Sigurvegarar í vormóti BR50 4. júní 2018

Íslandsmótið í Compak Sporting

Föstudaginn 9. júní verður opið á svæðinu fyrir keppendur frá kl.17-22 að auki verður lengri opnun fimmtudaginn 8. júní eða frá kl.17-22.

Mótssetning verður laugardaginn 9. júní kl.10:30 og óskað eftir að keppendur mæti á svæðið kl.10. Keppni hefst síðan kl.11 laugardaginn 9. júní (ath. breyttur tími). Sunnudaginn 10. júní hefst keppni kl. 10

Riðlaskipting og nánari tímasetningar væntanlegar.

Riðlaskipting

Lokað á svæðinu 9.-10. júní

Vinsamlegast athugið að lokað verður á svæðinu fyrir almennar æfingar laugardaginn 9. júní og sunnudaginn 10. júní vegna mótahalds, það á við um riffilhús og haglavelli.

Þessa helgi verður fyrsta Íslandsmótið í Compak Sporting haldið á Íslandi og eru allir velkomnir að kíkja við og fylgjast með keppninni.

Akureyrarmeistaramót í staðlaðri skammbyssu

Akureyrarmeistaramót í staðlaðri skammbyssu var haldið í inniaðstöðu félagsins í Íþróttahöllinni mánudagskvöldið 4. júní.

Metþáttaka var á mótinu en það kepptu 10 manns og fór svo að Þórður Ívarsson stóð uppi sem sigurvegari og Akureyrarmeistari í staðlaðri skammbyssu árið 2018. Annar var Brynjar Lyngmo og þriðji Rúnar Ingi Guðjónsson.

Nánari úrslit má sjá hér.

Brynjar Lyngmo, Þórður Ívarsson og Rúnar Ingi Guðjónsson
Sigurvegarar í Akureyrarmeistaramóti í Staðlaðri skammbyssa 4. júní 2018

Stóra vormótið í Compak Sporting

15 keppendur mættu til leiks föstudagskvöldið 25. maí og skutu fyrsta Compak Sporting mótið sem Skotfélag Akureyrar heldur.

Skotnar voru 100 dúfur á tveimur völlum.

This slideshow requires JavaScript.

Eftir harða baráttu og bráðabana um 3. sætið endaði mótið þannig að Bragi Óskarsson vann mótið með 92 dúfur, annar varð Gunnar Þór Þórarnarson með 88 dúfur og í þriðja sæti Jóhann Ævarsson með 81 dúfu.

Sigurvegarar í Stóra vormótinu í Compak sporting

 

Nánari úrslit má sjá hér.

Ný stjórn og fréttir af aðalfundi

Aðalfundur Skotfélags Akureyrar var haldinn í félagsheimilinu á Glerárdal síðastliðið mánudagskvöld.

Á fundinum var ný stjórn kosin og eftir jafna kosningu er stjórnin skipuð:

Formaður: Ómar Örn Jónsson, sem var kosinn í fyrra til tveggja ára.
Aðalstjórn: Sigurður Áki Sigurðsson og Finnur Steingrímsson, kosnir í fyrra til tveggja ára. Nýir inn núna til tveggja ára eru: Bragi Óskarsson og Davíð Hallgrímsson.
Varamenn: Kristbjörn Tryggvason, kosinn í fyrra til tveggja ára og Jóhann Ævarsson kosinn í ár til tveggja ára.

Samþykkti fundurinn hækkun á árgjaldi fyrir næsta ár (2019) um 1.000 kr í 8.000 kr. Makar og 67 ára og eldri greiða 4.000 kr. Ungmenni 15-19 ára greiða 3.500 kr.

Einnig voru samþykktar nýjar reglur um Akureyrarmeistara og skotmenn ársins. Þær eru væntanlegar á heimasíðuna.

 

Akureyrarmót í loftgreinum var haldið í dag

Akureyrarmót í loftgreinum var haldið í dag í inniaðstöðu félagsins í íþróttahöllinni. 8 keppendur í loftskammbyssu og 6 í loftriffli.

Akureyrarmeistarar eru Sigríður L. Þorgilsdóttir í loftskammbyssu unglinga stúlkur, í öðru sæti endaði Sóley Þórðardóttir.

Sóley Þórðardóttir er Akureyrarmeistari í loftriffli unglinga stúlkur. Sigríður L. Þorgilsdóttir hafnaði í öðru sæti.

Þorbjörg Ólafsdóttir er Akureyrarmeistari í loftskammbyssu og loftriffli kvenna.

Þórður Ívarsson er Akureyrarmeistari í loftskammbyssu. Finnur Steingrímsson í öðru sæti og Logi Steinn Karlsson í þriðja sæti.

Þórður Ívarsson er Akureyrarmeistari í loftriffli karla. Logi Steinn Karlsson náði öðru sæti og Finnur Steingrímsson hafnaði í þriðja sæti.

Úrslit mótsins.