Skotfélag Akureyrar

Um síðustu helgi fór fram landsmót í loftgreinum hjá Skotdeild Keflavíkur og átti Skotfélag Akureyrar fimm keppendur á mótinu sem allir stóðu sig vel. En á mótinu bætti Sigríður Íslandsmet stúlkna  í loftskammbyssu og er það komið í 492 stig.

Þórður Ívarsson vann karlaflokkinn og Izaar Arnar Þorsteinsson varð þriðji. Í kvennaflokki endaði Þorbjörg Ólafsdóttir einnig í þriðja sæti. Í stúlknaflokki sigraði Sigríður L. Þorgilsdóttir sem fyrr segir á nýju Íslandsmeti og Sóley Þórðardóttir varð önnur. Stúlkurnar og Þorbjörg mynduðu einnig kvennalið sem endaði í öðru sæti á eftir kvennaliði Skotíþróttafélags Kópavogs.

Það má því segja að keppendur okkar eru að gera góða hluti á mótum vetrarins í loftgreinum en Þórður hefur unnið öll loftskammbyssumót vetrarins og stúlkurnar bætt Íslandsmetið á hverju móti sem haldið hefur verið í vetur.

Fyrsta landsmót í loftgreinum þetta keppnistímabilið var haldið í Borgarnesi laugardaginn 28. október. Skotfélag Akureyrar átti fimm keppendur á mótinu í loftskammbyssu, sem öll unnu til verðlauna.

Þórður Ívarsson vann loftskammbyssu karla með 538 stig og Izaar A. Þorsteinsson varð annar með 514 stig. Þorbjörg Ólafsdóttir varð önnur í loftskammbyssu kvenna með 514 stig. Í unglingaflokki kepptu Sóley Þórðardóttir og Sigríður L. Þorgilsdóttir og bættu báðar sinn persónulega árangur á móti og báðar með skor sem var hærra en Íslandsmetið frá í vor. En Sigríður var með 485 stig og Sóley með 489 stig á nýju Íslandsmeti stúlkna í loftskammbyssu.

Í dag er síðasta opnun á leirdúfuvelli okkar og er opið til kl.17:00 og því um að gera að koma og redda því sem redda þarf fyrir rjúpu 😀 Heitt kaffi á könnuni.

Þá er vetrarstarfið að fara af stað og fyrsta landsmót í loftgreinum þetta tímabilið verður haldið í Borgaranesi 27.október 2018.

Félagsmenn Skotfélags Akureyrar sem hyggja á þáttöku eru beðnir að senda inn mótaskráningu á heimasíðu félagsins fyrir hádegi þriðjudaginn 23. október.

 

 

Lokahóf Skotfélags Akureyrar fór fram í gærkvöldi þar sem boðið var upp á frábæran mat og auðvitað smá drykk. Einnig var val á skotíþróttafólki okkar kynnt og er það eftirfarandi. Í unglingaflokki eru Daníel Logi Heiðarsson(272,4 stig) og Sóley Þórðardóttir (236stig) og í fullorðinsflokki Þórður Ívarsson (444,6 stig) og Þorbjörg Ólafsdóttir (276,2 stig) Því miður fyrirfórst að mynda þennan glæsilega hóp okkar en það verður gert síðar. Einnig var farið yfir alla Akureyrarmeistara okkar og þeim veitt verðlaun og vantar einnig myndir af þeim öllum þar sem ekki voru allir á staðnum. Svo auðvitað voru veit verðlaun fyrir lokamótin sem fram fóru í gær og má sjá meðfylgjandi myndir af því og skorinn. Stjórn félagsinns langar að þakka öllum sem mættu í gær á mótinn og lokahófið kærlega fyrir frábæran dag og einnig öðrum félagsmönnum sem tóku þátt í starfinu okkar í sumar.
Nú er bara að halda áfram að byggja upp aðstöðu okkar til að efla okkar frábæra íþróttafólk.

Minnum á viðburð laugardagsinns. Mót og matur!!! Nú er síðasti séns fyrir fólk að skrá sig þar sem við þurfum að gefa kokknum fjölda 😀 ALLIR Í BÁTANA!!!!!

Síðastliðinn sunnudag var haldið Akureyrarmeistaramót í sportskammbyssu. 7 keppendur mættu til leiks og fór svo að Þórður Ívarsson vann með 536 stig, annar varð Haukur Fannar Möller með 489 stig og í þriðja sæti varð Þorbjörg Ólafsdóttir með 484 stig.

Nánari úrslit má sjá hér.

Þar sem erfilega gengur að fá starfsmann verður völlurinn lokaður í dag. Einnig má það koma fram að næstkomandi laugardag verður völlurinn einnig lokaður þar sem fram fara mót sem tengjast lokahófi Skotfélags Akureyrar og lokahófs. En við hvetjum félagsmenn og konur til að taka þátt í þeirri dagskrá.

Akureyrarmeistaramót í BR.VFS og fóru leikar þannig að Kristbjörn stóð uppi sem sigurvegari á 495-20x og Finnur Steingrímsson annar á 495-20x og Jón B. Kristjánsson í þriðja sæti á 492-14x

6. október næstkomandi verður lokahóf félagsins haldið. Þeir sem telja sig eiga möguleika til skotíþtóttamanns ársins eru hvattir til að fylla út Skotmaður ársins skjalið með upplýsingum um þau mót sem viðkomandi hefur keppt í frá því að síðasta lokahóf var haldið og koma því til stjórnar fyrir laugardaginn 6. október.