Íslandsmótin í loftgreinum

Íslandsmótið í loftskammbyssu fór fram í Egilshöllinni laugardaginn 6. apríl.

Sigríður, Sóley og Rakel.

Í stúlknaflokki varð Sóley Þórðardóttir Íslandsmeistari með 492 stig, önnur varð Sigríður L. Þorgilsdóttir með 482 stig og þriðja Rakel Arnþórsdóttir með 452 stig, en þær keppa allar fyrir Skotfélag Akureyrar. Þær urðu jafnframt Íslandsmeistarar stúlknaliða fyrir Skotfélag Akureyrar með 1,426 stig, en það er jafnframt nýtt Íslandsmet.
Í drengjaflokki varð Magnús G. Jensson, Skotdeild Keflavíkur, Íslandsmeistari með 423 stig.
Ásgeir Sigurgeirsson úr Skotfélagi Reykjavíkur varð Íslandsmeistari í karlaflokki með 580 stig, annar varð Ívar Ragnarsson, Skotíþróttafélagi Kópavogs, með 565 stig og í þriðja sæti Ingvar Bremnes úr Skotíþróttafélagi Ísafjarðar með 529 stig. 
Jórunn Harðardóttir úr Skotfélagi Reykjavíkur varð Íslandsmeistari í kvennaflokki með 553 stig, önnur varð Kristína Sigurðardóttir einnig úr Skotfélagi Reykjavíkur með 550 stig og þriðja Þorbjörg Ólafsdóttir, Skotfélagi Akureyrar, með 513 stig.

Íslandsmótið í loftriffli fór fram í Egilshöll sunnudaginn 7. apríl.

Í unglingaflokki kvenna varð Viktoría E. Bjarnarson úr Skotfélagi Reykjavíkur Íslandsmeistari með 555,2 stig, önnur varð Rakel Arnþórsdóttir úr Skotfélagi Akureyrar með 478,7 stig og í þriðja sæti Sóley Þórðardóttir úr Skotfélagi Akureyrar með 413,3 stig. Lið Skotfélags Akureyrar setti Íslandsmet í unglingaflokki en hún var skipuð Rakel, Sóleyu og Sigríði L. Þorgilsdóttur.
Íslandsmeistari í karlaflokki varð Guðmundur Helgi Christensen úr Skotfélagi Reykjavíkur með 590,6, annar varð Róbert V. Ryan úr Skotfélagi Reykjavíkur með 560,9 stig og í þriðja sæti Þórir S. Kristinsson úr Skotfélagi Reykjavíkur með 550,7 stig.
Í kvennaflokki varð Íris Eva Einarsdóttir úr Skotfélagi Reykjavíkur Íslandsmeistari með 594,4 stig og önnur varð Jórunn Harðardóttir úr Skotfélagi Reykjavíkur með 591,0 stig.
Sveit Skotfélags Reykjavíkur varð Íslandsmeistari í karlaflokki en sveitina skipuðu þeir Guðmundur, Róbert og Þórir, en árangur þeirra er nýtt Íslandsmet 1.702,2 stig. Sveit Skotdeildar Keflavíkur varð í öðru sæti.
Í drengjaflokki varð Magnús G. Jensson úr Skotdeild Keflavíkur Íslandsmeistari með 570,3 stig og Elmar T. Sverrisson úr Skotdeild Keflavíkur varð annar með 555,4 stig.

Eins voru krýndir Íslandsmeistarar í hverjum flokki í báðum greinum og má sjá það nánar á www.sti.is

Áramót Skotak

Skotfélag Akureyrar óskar félögum sínum og landsmönnum öllum Gleðilegra jóla og farsældar á komandi ári. Einnig langar okkur að minna á gamlársmót okkar í hagla og riffilgreinum. Mótið mun fara fram þann 30.des á skotsvæði félagsins og hefst kl.16:00 Í haglagreinum verður skot í myrkri á 50.dúfur á gamla sporting velli við ljós en í riffilgreinum verður skotið með veiðirifflum með tvífæti á 2 blöð VFS á 100metrum. Einn opinn flokkur riffla. Einnig minnum við á mót í loftgreinum verða haldið laugardaginn 29. des. kl. 13 í inniaðstöðunni
Kv Stjórnin

Enn ein bætingin á Íslandsmetinu í loftskammbyssu stúlkna

Um síðustu helgi fór fram landsmót í loftgreinum hjá Skotdeild Keflavíkur og átti Skotfélag Akureyrar fimm keppendur á mótinu sem allir stóðu sig vel. En á mótinu bætti Sigríður Íslandsmet stúlkna  í loftskammbyssu og er það komið í 492 stig.

Þórður Ívarsson vann karlaflokkinn og Izaar Arnar Þorsteinsson varð þriðji. Í kvennaflokki endaði Þorbjörg Ólafsdóttir einnig í þriðja sæti. Í stúlknaflokki sigraði Sigríður L. Þorgilsdóttir sem fyrr segir á nýju Íslandsmeti og Sóley Þórðardóttir varð önnur. Stúlkurnar og Þorbjörg mynduðu einnig kvennalið sem endaði í öðru sæti á eftir kvennaliði Skotíþróttafélags Kópavogs.

F.v. Þorbjörg, Sigríður, Þórður, Sóley og Izaar.

Það má því segja að keppendur okkar eru að gera góða hluti á mótum vetrarins í loftgreinum en Þórður hefur unnið öll loftskammbyssumót vetrarins og stúlkurnar bætt Íslandsmetið á hverju móti sem haldið hefur verið í vetur.

Fyrsta landsmóti vetrarins í loftgreinum lokið

Fyrsta landsmót í loftgreinum þetta keppnistímabilið var haldið í Borgarnesi laugardaginn 28. október. Skotfélag Akureyrar átti fimm keppendur á mótinu í loftskammbyssu, sem öll unnu til verðlauna.

Þorbjörg, Izaar, Þórður, Sóley og Sigríður

Þórður Ívarsson vann loftskammbyssu karla með 538 stig og Izaar A. Þorsteinsson varð annar með 514 stig. Þorbjörg Ólafsdóttir varð önnur í loftskammbyssu kvenna með 514 stig. Í unglingaflokki kepptu Sóley Þórðardóttir og Sigríður L. Þorgilsdóttir og bættu báðar sinn persónulega árangur á móti og báðar með skor sem var hærra en Íslandsmetið frá í vor. En Sigríður var með 485 stig og Sóley með 489 stig á nýju Íslandsmeti stúlkna í loftskammbyssu.

Sóley og Sigríður

Lokahóf 6. október

Lokahóf Skotfélagsins verður á laugardaginn 6. október, mæting er kl.10 upp á skotsvæði. Keppt verður English Sporting og þríþraut kúlugreina.
Í English Sporting verða skotnir þrír hringir. mótagjald: 3500 kr. (innifalið hringir/dúfur).
Í þríþraut kúlugreina verður breyting á en þar verður skotið VFS með veiðirifflum, 2 blöð =10 skot, BR 50, 25 skot og silhouettur 10 skot (40 og 60 m), mótagjald 2000 kr.

Þegar skotkeppnum er lokið fara menn heim og skipta yfir í sparigírinn og hittast aftur yfir sameiginlegum kvöldverði sem hefst kl.19:00. í félagsheimili okkar. Matseðill og fleira verður svo auglýst betur þegar nær dregur.