Kæru félagar. kl.19:30 verður vinnukvöld á svæði félagsins. Það er svona eitt og annað sem þarf að gera og því væri nú frábært að sjá sem flesta koma og vinna smá fyrir félagið sitt.
Category: Annað
Á döfinni næstu daga!
Helst ber að nefna að frá og með 1.júní teku við almenn sumar opnun á svæði félagsins eins og sjá má hér.
Einnig mun sú breyting taka gildi að eingöngu verður hægt að komast inní riffilhús með aðgangskorti þar sem gamli lyklacylender verður fjarlægður, og aðeins þeir sem greitt hafa árgjald og lykilgjald 2021 hafa aðgang. Fyrir þá sem hafa greitt en ekki fengið kort nú þegar geta nálgast slíkt kort á opnunartíma félagsins með því að gefa upp nafn.
Einnig má benda á að Sumarmót í Silhouette sem sett hafði verið á 3.júní verður flýtt um einn dag vegna óviðráðanlegra orska og verður því 2.júní kl.19:00 Skráning á staðnum.
Mánudaginn 7.júní er svo fyrirhugað að hafa vinnudag á svæðinu og verður það auglýst betur síðar.
Benelli mótið 2021
Fyrsta mót sumarsins fór fram í dag og að sjálfsögðu í blíðskaparveðri. Mótið var í boði Veiðihúsið saka/Benelli og var Kjarri umboðsmaður mætti norður með troðfullan bíl af verlaunum.
Úrslit mótsins voru þannig að í flokknum óvanir varð Þorsteinn í 3.sæti á 35.dúfum Hallur í 2.sæti á 50.dúfum og Heimir í 1.sæti á 58.dúfu Í flokknum vanir fór þannig að Gunnar Þór varð í 3.sæti á 66.dúfum Bragi Óskars í 2.sæti á 69.dúfum og Teddi í 1.sæti á 70.dúfum.
Voru keppendur sammála um að þetta hefði verið gríðarlega skemmtilegt og vel skipulagt mót. Að endingu langar okkur hjá Skotfélagi Akureyrar að þakka keppendum og Veiðihúsinu Sökku kærlega fyrir að gera daginn og mótið svona frábært.
Skotfélag Akureyrar og Fallorka hafa gert með sér eftirfarandi samkomulag.
„Fallorka mun láta moka snjó af veginum upp að skotsvæðinu allt að
þrisvar sinnum á vetri umfram þann mokstur sem félagið myndi annars
gera vegna eigin þarfa í tengslum við Glerárvirkjun 2.
Fallorka mun einnig gera á hverju sumri eitthvert viðvik sem kemur
Skotfélaginu til góða svo sem lagfæringar á veginum eða á drenun með
veginum eða þá á girðingum, merkingum eða öðru, í samráði við
Skotfélagið.
Í staðinn mun Skotfélagið kynna þetta samkomulag fyrir sínum c.a 400 félagsmönnum á heimasíðu og á Facebook og hvetja þá til að ganga
úr skugga um að hver og einn sé örugglega að kaupa raforku á sínu
heimili frá Fallorku. Traustur hópur viðskiptavina er að sjálfsögðu
lykillinn að því að Fallorka geti dafnað og hafi fjármuni úr að spila
til að styðja við félagsstarf og íþróttastarf á Eyjafjarðarsvæðinu.
Samkomulag þetta er gert til þriggja ára og reiknað með að það verði
framlengt ef vel tekst til.“
Stjórn Skotfélags Akureyrar fagnar þessu samkomulagi sem hefur mikla þýðingu fyrir starf Skotfélagsins á Glerárdal allt árið. Upphaf þessa samstarfs Fallorku og Skotfélag má rekja til þess er fallpípa Fallorku var grafin í gegnum félagsvæði okkar með tilheyrandi raski og umferð hjá okkur. Fallorka hafði þá strax frumkvæði að vinna þetta í sátt með okkur og vildi gera eitt og annað til að létta okkur lífið og jafnframt þakka fyrir hvað við vorum tilbúin að liðka fyrir þessari framkvæmd. Fallorka hefur nú þegar látið girða stóran hluta af okkar svæði með tilheyrandi merkingum og einnig kostað uppsetningu á yfirskotsvörn á riffilsvæði. Þess má að sjálfsögðu geta að Skotfélag Akureyrar kaupir alla sína raforku af Fallorku og er það því einlæg ósk okkar að allir okkar félagsmenn geri slíkt hið sama til að tryggja áframhaldandi farsælt samstarf.
Akureyrarmeistaramót BR50
Akureyrarmeistaramót í BR50 var haldið sunnudaginn 23. ágúst, þar sem skotið var á tvö blöð.
10 keppendur tóku þátt í sporterflokki þar sem Pétur Már Ólafsson, Skotfélagi Snæfellsness sigraði mótið með 474 stig, annar varð Kristbjörn Tryggvason og jafnframt Akureyrarmeistari í BR50 – Sporter og þriðja varð Aðalheiður Lára Guðmundsdóttir einnig úr Skotfélagi Snæfellsness.
10 keppendur tóku einnig þátt í Varmint flokki þar sem Kristján Arnarson, Skotfélagi Húsavíkur, sigraði mótið með 494 stig, önnur varð Rosa Maria einnig úr Skotfélagi Húsavíkur og þriðji varð Arnar Oddsson og jafnframt Akureyrarmeistari í BR50 – Varmint.
Það má því segja að gestirnir okkar komu sáu og sigruðu.
hér er hægt að sjá nánari úrslit, myndir væntanlegar.
Akureyrarmeistaramót í Silhouette og Skeet
Fimmtudaginn 30. júlí síðastliðinn voru haldin Akureyrarmeistaramót í Skeet og Silhouette.
Hér má sjá úrslit úr Silhouettu mótinu og keppendur.
Opnunartími um verslunarmannahelgina
Vegna sumarleyfa starfsmanna verður lokað á svæði félagsins þar til á þriðjudag. En þá breytist einnig opnunartími hjá okkur á virkum dögum í 18-21. 
Íslandsmeistaramót Compak sporting 2020
Um helgina (25.-26. júlí) verður Íslandsmót í Compak sporting haldið á svæði Skotfélags Akureyrar, frá kl.10 til 16 báða dagana. 46 keppendur eru skráðir til leiks og verður því líf og fjör á svæðinu um helgina.
Á meðan á mótinu stendur verða haglavellir svæðisins lokaðir en allir sem hafa áhuga á að koma og fylgjast með mótinu eru velkomnir á svæðið.
Fyrir þá sem vilja fylgjast með framvindu mótsins:
Íslandsmót í Compak sporting Akureyri 2020
Skotvís fundur.
Góðan daginn félagar.
Fundur verður annað kvöld, 9.júní kl:19:30 með formanni Skotvís Áka Ármanni. Fundurinn verður haldinn í húsnæði Skotfélags Akureyrar (skotsvæði) Fundarefni: Rjúpnaveiðar á komandi tímabili, ný villidýralög, fyrirhugaður miðhálendis þjóðgarður, önnur mál. SKOTVEIÐIMENN ERU HVATTIR TIL AÐ MÆTA OG TAKA ÞÁTT Í UMRÆÐUM UM ÞESSI MIKILVÆGU MÁL.
Opnunartími og skotpróf
Heil og sæl, er ekki komin tími til að viðra hólkinn og taka Sporting, skeet eða riffilæfingu? Nú hefur sumaropnunartími okkar tekið gildi og má sjá hvenig hann er hér einnig eru skotpróf fyrir hreindýraveiðimenn komin á fulla ferð, við hvetjum nú þá sem þurfa að taka próf að gera það í tíma og bóka hjá prófdómurum okkar sem fyrst til að komast hjá örtröð.