Flokkur: Annað

Nú á dögunum færði húsfélag Steinahlíð 2. okkur að gjöf forláta fánastöng til að geta flaggað á mótum og öðrum hátíðisdögum. Kunnum við gefendum bestu þakkir fyrir þessa frábæru gjöf. Nú er bara að koma fánastönginni upp fyrir komandi lokahóf.

Akureyrarmeistaramótið í sportskammbyssu verður haldið á sunnudaginn (30.sept) í inniaðstöðu félagsins í Íþróttahöllinni. Mæting er kl.11, á sunnudaginn, til að staðfesta skráningu.

Loftæfingar eru hafnar og er opið á mánudögum milli kl.20 og 21 í inniaðstöðu félagsins í kjallara Íþróttahallarinnar.

Því miður verður lokað hjá okkur vegna manneklu nú um helgina 22-23 september.

Lokahóf Skotfélagsins verður á laugardaginn 6. október, mæting er kl.10 upp á skotsvæði. Keppt verður English Sporting og þríþraut kúlugreina.
Í English Sporting verða skotnir þrír hringir. mótagjald: 3500 kr. (innifalið hringir/dúfur).
Í þríþraut kúlugreina verður breyting á en þar verður skotið VFS með veiðirifflum, 2 blöð =10 skot, BR 50, 25 skot og silhouettur 10 skot (40 og 60 m), mótagjald 2000 kr.

Þegar skotkeppnum er lokið fara menn heim og skipta yfir í sparigírinn og hittast aftur yfir sameiginlegum kvöldverði sem hefst kl.19:00. í félagsheimili okkar. Matseðill og fleira verður svo auglýst betur þegar nær dregur.

Íslandsmótið í Skeet fór fram um helgina á velli Skotfélags Reykjavíkur.

Íslandsmeistari í unglingaflokki varð Daníel Logi Heiðarsson úr Skotfélagi Akureyrar og í öðru sæti varð Ágúst Ingi Davíðsson úr Skotíþróttafélagi Suðurlands.

Í karlaflokki varð Sigurður Unnar Hauksson úr Skotfélagi Reykjavíkur Íslandsmeistari, annar varð Guðlaugur Bragi Magnússon úr Skotfélagi Akureyrar og í þriðja sæti Hákon Þ. Svavarsson úr Skotíþróttafélagi Suðurlands. Í liðakeppni karla varð sveit Skotíþróttafélags Suðurlands Íslandsmeistari en hana skipuðu Hákon Þ.Svavarsson, Jakob Þ. Leifsson og Aðalsteinn Svavarsson.

Í öldungaflokki varð Davíð Ingason úr Skotíþróttafélagi Suðurlands Íslandsmeistari.

Í kvennaflokki varð Snjólaug María Wium Jónsdóttir úr Skotfélaginu Markviss Íslandsmeistari, önnur varð Dagný H. Hinriksdóttir úr Skotfélagi Reykjavíkur og í þriðja sæti Helga Jóhannsdóttir úr Skotíþróttafélagi Suðurlands. Í liðakeppni kvenna setti lið Skotfélags Reykjavíkur nýtt Íslandsmet en sveitina skipa Dagný H. Hinriksdóttir, Eva Ósk Skaftadóttir og Þórey Inga Helgadóttir.

Sumarmót félagsins í silhouettu var haldið miðvikudagskvöldið 20. júní í sól og flottu veðri.

Skotið var á 40 dýr, 5 á hverju færi (40, 60, 77 og 100 m.).

Óskar Halldór Tryggvason stóð uppi sem sigurvegari með 7 felld dýr, annar varð Bubbi – Wimol Sudee einnig með 7 dýr (en færri kalkúna en Dóri) og þriðja varð Þorbjörg Ólafsdóttir einnig með 7 dýr (en ennþá færri kalkúna).

 

Nánari úrslit má sjá hér.

Föstudaginn 9. júní verður opið á svæðinu fyrir keppendur frá kl.17-22 að auki verður lengri opnun fimmtudaginn 8. júní eða frá kl.17-22.

Mótssetning verður laugardaginn 9. júní kl.10:30 og óskað eftir að keppendur mæti á svæðið kl.10. Keppni hefst síðan kl.11 laugardaginn 9. júní (ath. breyttur tími). Sunnudaginn 10. júní hefst keppni kl. 10

Riðlaskipting og nánari tímasetningar væntanlegar.

Riðlaskipting

Vinsamlegast athugið að lokað verður á svæðinu fyrir almennar æfingar laugardaginn 9. júní og sunnudaginn 10. júní vegna mótahalds, það á við um riffilhús og haglavelli.

Þessa helgi verður fyrsta Íslandsmótið í Compak Sporting haldið á Íslandi og eru allir velkomnir að kíkja við og fylgjast með keppninni.