Að gefnu tilefni eru keppendur hvattir til að lesa sér til um keppnisreglur WRABF. http://www.wrabf.com/rules/WRABF%20&%20ERABSF%20RULEBOOK%202013-%202021.pdf
Ath. keppt verður í opnum flokki (sem felur í sér þá þrjá flokka riffla sem taldir eru upp í reglunum).
Category: Mót
Byrjendamót í Skeet
Fyrr í kvöld var haldið byrjendamót í Skeet á svæði félagsins.
6 keppendur tóku þátt og fór Björgvin Grant með sigur á mótinu með 18 dúfur af 50. Annar varð Davíð Jónsson með 16 dúfur og í þriðja sæti endaði Rósa eftir bráðabana við Hallgrím Jónasson en þau voru bæði með 15 dúfur.
Byrjendamót í Compak sporting
Fyrr í kvöld var byrjendamót í Compak Sporting haldið á svæði Skotfélagsins. 8 keppendur tóku þátt og stóð Daníel Logi Heiðarsson uppi sem sigurvegari með 41 dúfu af 50. Annar var Jónas Jóhannsson með 40 dúfur og þriðji Sigfús Heiðar með 34 dúfur.
Artic shooting – Compak sporting mótið
11 keppendur mættu til leiks á árlegu Artic shooting móti Skotfélags Akureyrar, í ár var keppt samtímis á báðum compak sporting völlum félagsins og skotnar 100 dúfur.
Sigurvegari mótsins var Gunnar Þór með 90 dúfur. Annar var Jóhann Ævars með 87 og þriðji Bragi Óskars með 85 dúfur.
Breyting á mótaskrá
Ath. smávægilegar breytingar voru gerðar á mótaskránni í ágúst.
Hreyndýraskífumótið – úrslit
Þá er fyrsta hreyndýraskífumóti Skotfélagsins lokið í örlítið votu veðri en keppendur létu það ekki stoppa sig.
Skotið var úr prófbásunum á 100 m og 200 m færi á hreyndýraprófsskífur, 5 skot á 5 mín á hvora vegalengd. Samanlögð stig á 100 m og 200 m gilda.
Með sigur fór Wimol Sudee (Bubbi) með heildarskor upp á 92 stig, auk þess átti hann bestu skífuna á 100 m (49 stig). Annar varð Kristbjörn Tryggvason með heildarskor upp á 87 stig og þriðji varð Davíð Hallgrímsson með heildarskor upp á 86 stig. Bestu skífuna á 200 m átti Kristján Arnarson (SH) með 45 stig.
Kristbjörn, Bubbi og Davíð.
Íslandsmót í Compak sporting
Glæsilegu og fjölmennu Íslandsmóti í Compak sporting lauk í dag.
37 keppendur mættu til keppni, þar af 3 í kvennaflokki. Skotnar voru 100 dúfur á tveimur dögum, á tveimur völlum.
Boðið var til grillveislu á laugaragskvöldi þar sem grilluð voru lambalæri og boðið upp á meðlæti.
Sigurvegarar og fyrstu Íslandsmeistararnir í Compak Sporting voru Gunnar Gunnarsson og Ingibjörg Andrea Bergþórsdóttir, bæði í Skotíþróttafélagi Hafnarfjarðar.
Í kvennaflokki varð Helga Jóhannsdóttir (SFS) í öðru sæti og Snjólaug M. Jónsdóttir (MAV). Í karlaflokki varð Þórir Guðnason (SIH) annar og Aron Kristinn Jónsson (SIH) varð þriðji.
Úrslit í Vormóti BR50
Vormóti í BR50 er lokið og var mjög góð þátttaka, 19 keppendur mættu til leiks, þar af 3 gestir og 2 unglingar.
Sigurvegari var Kristbjörn Tryggvason (Kiddi) með 241 stig og 8 X, annar varð Jón Kristjánsson, Skotfélaginu Markviss, einnig með 241 stig en 6 X og þriðji varð Bubbi (Wimol Sudee) með 235 stig og 3X.
Akureyrarmeistaramót í staðlaðri skammbyssu
Akureyrarmeistaramót í staðlaðri skammbyssu var haldið í inniaðstöðu félagsins í Íþróttahöllinni mánudagskvöldið 4. júní.
Metþáttaka var á mótinu en það kepptu 10 manns og fór svo að Þórður Ívarsson stóð uppi sem sigurvegari og Akureyrarmeistari í staðlaðri skammbyssu árið 2018. Annar var Brynjar Lyngmo og þriðji Rúnar Ingi Guðjónsson.
Stóra vormótið í Compak Sporting
15 keppendur mættu til leiks föstudagskvöldið 25. maí og skutu fyrsta Compak Sporting mótið sem Skotfélag Akureyrar heldur.
Skotnar voru 100 dúfur á tveimur völlum.
Eftir harða baráttu og bráðabana um 3. sætið endaði mótið þannig að Bragi Óskarsson vann mótið með 92 dúfur, annar varð Gunnar Þór Þórarnarson með 88 dúfur og í þriðja sæti Jóhann Ævarsson með 81 dúfu.
