Fyrir þá sem vilja fylgjast með framvindu mótsins.
Landsmót í Compak Sporting 15. og 16. júní á Akureyri
Helgina 15. – 16. júní verður haldið landsmót í Compak sporting á svæði Skotfélags Akureyrar á Glerárdal.
Svæðið verður því lokað á meðan á mótinu stendur.
Keppendur geta komið og tekið æfingu föstudaginn 14. júní frá kl.12-22.
hópaskipting Compak sporting júní 2019Nánari upplýsingar koma hér fljótlega.
Úrslit úr Silhouettu móti 13. júní 2019
Skotpróf fyrir hreindýraveiðimenn
Væri ekki rétt að vera tímanlega í að undirbúa hreindýraveiðferðina? Prófdómarar okkar eru klárir í að taka á móti veiðimönnum nú þegar. Endilega heyrið í einhverjum af eftirtöldum prófdómurum og bókið tíma.
Prófdómarar:
Davíð Hallgrímsson 865-5455
Finnur Steingrímsson 840-4813
Njáll Sigurðsson 833-7010
Skráning í próf: Hringja beint í prófdómara og bóka tíma hjá honum. Gjald: 4500 kr. – Greiðist áður en próf er tekið. ATH. Öllum prófum þarf að vera lokið 30. júní.
Íslandsmótin í loftgreinum
Íslandsmótið í loftskammbyssu fór fram í Egilshöllinni laugardaginn 6. apríl.
Í stúlknaflokki varð Sóley Þórðardóttir Íslandsmeistari með 492 stig, önnur varð Sigríður L. Þorgilsdóttir með 482 stig og þriðja Rakel Arnþórsdóttir með 452 stig, en þær keppa allar fyrir Skotfélag Akureyrar. Þær urðu jafnframt Íslandsmeistarar stúlknaliða fyrir Skotfélag Akureyrar með 1,426 stig, en það er jafnframt nýtt Íslandsmet.
Í drengjaflokki varð Magnús G. Jensson, Skotdeild Keflavíkur, Íslandsmeistari með 423 stig.
Ásgeir Sigurgeirsson úr Skotfélagi Reykjavíkur varð Íslandsmeistari í karlaflokki með 580 stig, annar varð Ívar Ragnarsson, Skotíþróttafélagi Kópavogs, með 565 stig og í þriðja sæti Ingvar Bremnes úr Skotíþróttafélagi Ísafjarðar með 529 stig.
Jórunn Harðardóttir úr Skotfélagi Reykjavíkur varð Íslandsmeistari í kvennaflokki með 553 stig, önnur varð Kristína Sigurðardóttir einnig úr Skotfélagi Reykjavíkur með 550 stig og þriðja Þorbjörg Ólafsdóttir, Skotfélagi Akureyrar, með 513 stig.
Íslandsmótið í loftriffli fór fram í Egilshöll sunnudaginn 7. apríl.
Í unglingaflokki kvenna varð Viktoría E. Bjarnarson úr Skotfélagi Reykjavíkur Íslandsmeistari með 555,2 stig, önnur varð Rakel Arnþórsdóttir úr Skotfélagi Akureyrar með 478,7 stig og í þriðja sæti Sóley Þórðardóttir úr Skotfélagi Akureyrar með 413,3 stig. Lið Skotfélags Akureyrar setti Íslandsmet í unglingaflokki en hún var skipuð Rakel, Sóleyu og Sigríði L. Þorgilsdóttur.
Íslandsmeistari í karlaflokki varð Guðmundur Helgi Christensen úr Skotfélagi Reykjavíkur með 590,6, annar varð Róbert V. Ryan úr Skotfélagi Reykjavíkur með 560,9 stig og í þriðja sæti Þórir S. Kristinsson úr Skotfélagi Reykjavíkur með 550,7 stig.
Í kvennaflokki varð Íris Eva Einarsdóttir úr Skotfélagi Reykjavíkur Íslandsmeistari með 594,4 stig og önnur varð Jórunn Harðardóttir úr Skotfélagi Reykjavíkur með 591,0 stig.
Sveit Skotfélags Reykjavíkur varð Íslandsmeistari í karlaflokki en sveitina skipuðu þeir Guðmundur, Róbert og Þórir, en árangur þeirra er nýtt Íslandsmet 1.702,2 stig. Sveit Skotdeildar Keflavíkur varð í öðru sæti.
Í drengjaflokki varð Magnús G. Jensson úr Skotdeild Keflavíkur Íslandsmeistari með 570,3 stig og Elmar T. Sverrisson úr Skotdeild Keflavíkur varð annar með 555,4 stig.
Eins voru krýndir Íslandsmeistarar í hverjum flokki í báðum greinum og má sjá það nánar á www.sti.is
Það er vor í lofti!
Veðurspár fyrir morgundaginn eru flottar og töluvert um fyrirspurnir um hvort ekki fari að opna uppá skotvelli ætlum við að hafa opið á morgun. Búið er að setja upp tvo sporting velli og svo er auðvitað einn skeetvöllur klár líka. Ev veður heldur áfram að vera okkur hliðhollt er ekki ólíklegt að opnunardögum fjölgi eitthvað fram að formlegri opnun. Á morgun verður opið frá kl.11-15 og heitt á könnuni.
Aðalfundur Skotfélags Akureyrar
Miðvikudagskvöldið 17. apríl kl.20:00 verður aðalfundur Skotfélags Akureyrar haldinn í félagsheimili Skotfélagsins á Glerárdal.
Á dagskrá verða hefðbundin aðalfundarstörf.
Kaffi og með því 😀
Stjórn Skotfélagsins
Skotvopna námskeið!
Mótaskrá 2019 klár.
Innanfélagsmót í skammbyssugreinum
Næstkomandi laugardag, 23. febrúar, verða haldin innanfélagsmót í sportskammbyssu og Akureyrarmeistaramót í grófbyssu. Skráningarfrestur er miðnætti á fimmtudagskvöldið 21. febrúar, skráning er í gegnum heimasíðu félagsins. Þegar skráningu er lokið verður riðlaskipting birt.