Mánudagar | Fimmtudagar | |
---|---|---|
Október 2017 | Loftæfingar 20:30-21:30 | |
Nóvember 2017 | Loftæfingar 20:30-21:30 | |
Desember 2017 fram að jólum | Loftæfingar 20:30-21:30 | |
Janúar | Loftæfingar 20:30-21:30 | Púðuræfingar 20:30-21:30 |
Febrúar | Loftæfingar 20:30-21:30 | Púðuræfingar 20:30-21:30 |
Mars | Loftæfingar 20:30-21:30 | Púðuræfingar 20:30-21:30 |
Apríl | Loftæfingar 20:30-21:30 | Púðuræfingar 20:30-21:30 |
Lokahófið laugardaginn 7. október
Lokahóf Skotfélagsins verður á laugardaginn, mæting er kl.10 upp á skotsvæði. Keppt verður í þríþraut haglagreina og þríþraut kúlugreina.
Í þríþraut í haglagreinum verða skotnir þrír hringir: einn trapp, einn skeet og einn sporting, mótagjald: 2500 kr. (innifalið hringir/dúfur).
Í þríþraut kúlugreina verður breyting á en þar verður skotið VFS með veiðirifflum, 2 blöð =10 skot, BR 50, 25 skot og silhouettur 10 skot (40 og 60 m), mótagjald 1000 kr.
Þegar skotkeppnum er lokið fara menn heim og skipta yfir í sparigírinn og hittast aftur yfir sameiginlegum kvöldverði sem hefst kl.19:00.
Inniaðstaðan
Þá fer vetrarstarfið að fara í gang í inniaðstöðunni og stefnan er sett á fyrstu opnun mánudagskvöldið 2. október kl.20:30-22.
Farið verður í smá vinnu við að græja fyrir veturinn og svo verður loftskammbyssuæfing í framhaldinu. Þeir sem hafa áhuga eru hvattir til að kíkja við hjá okkur.
Opnunartími í október
Opið verður á laugardögum í október frá kl.13-16
Einnig verður opið sunnudaginn 1. október kl.13-16
Lokahóf Skotfélagsins 7. október
Lokahóf Skotfélags Akureyrar verður með smá nýbreytni þetta árið þar sem keppnir í hagla og riffilgreinum hefjast kl.10:00 og verða kláraðar.
Svo er ætlast til að fólk fari heim og komi sér í betrigallann og mæti til veislu um kl.19:00. Staðsetning og skipulag á því er ekki alveg komin á hreint en verður auglýst betur síðar.
Gott væri að félagsmenn skrái sig á viðburðinn á síðu félagsins á Fésbókinni, um það hvort það hyggist taka þátt svo meta megi magn af veitingum og stærð á sal.
Opnunartími í ágúst 2017
Dagana 31.júlí til 3. ágúst verður opið kl.19 – 22.
Lokað verður um verslunarmannahelgina
(laugardag, sunnudag og mánudag).
Opnunartími í ágúst frá og með þriðjudeginum 8. ágúst verður kl. 18-21 á mánud., þriðjud., miðvikud. og fimmtudögum.
Áfram verður opið kl.13-17 um helgar (lau. og sun.)
Úrslit úr mótum helgarinnar
Mikið líf var á svæði Skotfélagsins um helgina, þegar þrenn haglabyssumót voru haldin.
Á föstudagskvöldinu var haldið byrjendamót í Sporting þar sem 8 keppendur mættu til leiks.
Laugardag og sunnudag var Norðurlandsmeistaramótið í skeet, þar sem einnig mættu 8 keppendur. Hér má sjá úrslit úr mótinu.
Að lokum var Eldhafsmótið í Sporting haldið seinnipart sunnudagsins, með 13 keppendum.
Norðurlandsmeistaramót open
Um helgina verður Norðurlandsmeistaramótið í Skeet haldið á Akureyri. Mótið hefst á laugardegi kl.10 og verður boðið upp á keppnisæfingu á föstudegi kl.19-20:30
Riðlaskiptingu má sjá hér og úrslit birtast í sama skjali þegar móti lýkur.
Úrslit í Sumarmóti BR50
Metþátttaka var í BR50 sumarmóti félagsins sem haldið var miðvikudaginn 5. júlí í blíðskaparveðri. 14 keppendur mættu til leiks og fengum við heimsókn frá Skotfélagi Austurlands og Markviss á Blönduósi.
Jónbi gerði sér lítið fyrir og vann mótið með 244 stig sem getur ekki annað en talist frábær árangur, Bubbi varð annar með 236 stig og þriðji varð Finnur með 235 stig. Sjá önnur úrslit á meðfylgjandi mynd.
Byrjendamót í Skeet úrslit
Byrjendamót í Skeet var haldið miðvikudaginn 28. júní. 5 keppendur mættu til leiks. Sjá úrslit á meðfylgjandi mynd.