Mánudagskvöldið 7. maí kl.20:00 verður aðalfundur Skotfélags Akureyrar haldinn í félagsheimili Skotfélagsins á Glerárdal.
Á dagskrá verða hefðbundin aðalfundarstörf.
Stjórn Skotfélagsins
Author: Þorbjörg Ólafsdóttir
Úrslit í páskamótum – riffilgreinar
Haldin voru þrenn páska-riffilmót laugardaginn 31. mars.
Fyrst var keppt í flokki óbreyttra veiðiriffla þar sem skotið var á tvö spjöld á 100 metrum (tvífótur og afturpúði leyfður).
Finnur Steingrímsson vann með fullu húsi stiga eða 100 stig og 3 X, annar var Arnar Oddson með 99 stig og 3 X og þriðji varð Davíð Jens Hallgrímsson með 98 stig og 2 X.
Því næst tók við mót í flokki breyttra veiðiriffla/tactical/custom þar sem skotið var á 2 blöð VRS á 200 m.
Wimol Sudee (Bubbi) vann með 99 stig, annar var Davíð Jens Hallgrímsson með 98 stig og 2 X og þriðji varð Finnur Steingrímsson með 97 stig.
Að lokum var Benchrest keppni þar sem skotið var 25 skotum á 100 m.
Wimol Sudee (Bubbi) vann með fullu húsi stiga eða 250 stig og 14 X, annar var Gylfi Sigurðsson (Skotfélagi Húsavíkur) einnig með fullt hús stiga eða 250 stig og líka 14 X og þriðji varð Jón B. Kristjánsson (Markviss) einnig með fullt hús stiga og 13 X.
Úrslit í Compak Sporting páskamótinu
Frábær mæting á páskamótið í haglagreinum þar sem notaðir voru nýju kastararnir og skotið 50 dúfna – Compak Sporting mót.
Jóhann Ævarsson vann mótið með 46 dúfur, annar var Elías Frímann með 44 dúfur og þriðji eftir bráðabana varð Einar Már Haraldsson með 43 dúfur.
Úrslit úr páskamótum – loftgreinar
Keppt var í loftskammbyssu og loftriffli í páskamótum loftgreina þetta árið.
í loftskammbyssu, fullorðins flokki, vann Þórður Ívarsson með 349 stig, annar varð Finnur Steingrímsson með 345 stig og í þriðja sæti var Haukur Fannar Möller með 322 stig. Í unglingaflokki vann Sóley Þórðardóttir með 293 stig og önnur var Sigríður Láretta Þorgilsdóttir með 283 stig.
Í loftriffli, fullorðins flokki, vann Finnur Steingrímsson með 187 stig, annar varð Logi Steinn Karlsson með 178 stig og þriðji varð Þórður Ívarsson með 169 stig. Í unglingaflokki vann Sigríður Láretta Þorgilsdóttir með 157 stig og Sóley Þórðardóttir varð önnur með 153 stig.
Paskamot_loftgreinar
Páskamótin 2018
Nú styttist í páska og menn og konur orðin spennt að fá að skjóta smá.
Eins og vanalega verður laugardagurinn þéttpakkaður mótum.
Riffilmót: Keppni með óbreyttum veiðirifflum hefst kl 10.00 og er skotið á tvö spjöld á 100 metrum af tvífæti og afturpúði leyfður.
Kl 12.00 byrjar keppni með breyttum veiðirifflum / tactical / custom og er skotið á 2 blöð VFS á 200 metrum. Tvífótur og afturpúði leyfður.
Að lokum er svo Benchrest keppni þar sem skotið er 25 skotum á 100 metrum. Gilda þar allar reglur um keppni í HV flokki. Rifflar allt að 6,123 kg. Byrjar kl 14.00 eða þegar veiðiriffla flokkurinn er búinn.
Haglamót byrjar kl.12 og verða skotnar 50 dúfur með Compakskeet style.
Páskamót í loftgreinum verður föstudaginn 30. mars í inniaðstöðu félagsins í Íþróttahöllinni. Mótið hefst kl. 14.
Páskaegg í verðlaun 
Úrslit í mótum helgarinnar
Þá er mótum helgarinnar lokið en Skotfélag Akureyrar hélt tvenn landsmót, annarsvegar í sport skammbyssu og hinsvegar í gróf skammbyssu.
5 keppendur voru skráðir til leiks á bæði mótin.
Sport skammbyssumótið var haldið laugardaginn 17. feb og fór þannig að Þórður Ívarsson vann mótið með 535 stigum og skaut sig upp í 2. flokk. Önnur varð Þorbjörg Ólafsdóttir með 511 stig og þriðji varð Haukur F. Möller með 465 stig.
Gróf skammbyssumótið var haldið sunnudaginn 18. feb og fór þannig að Þórður Ívarsson vann mótið með 498 stigum og er einnig Akureyrarmeistari í gróf skammbyssu þetta árið. Annar varð Finnur Steingrímsson með 488 stig og þriðja varð Þorbjörg Ólafsdóttir með 475 stig.
Riðlaskipting sport- og gróf skammbyssumótanna
Opnunartímar Inniaðstöðu
| Mánudagar | Fimmtudagar | |
|---|---|---|
| Október 2017 | Loftæfingar 20:30-21:30 | |
| Nóvember 2017 | Loftæfingar 20:30-21:30 | |
| Desember 2017 fram að jólum | Loftæfingar 20:30-21:30 | |
| Janúar | Loftæfingar 20:30-21:30 | Púðuræfingar 20:30-21:30 |
| Febrúar | Loftæfingar 20:30-21:30 | Púðuræfingar 20:30-21:30 |
| Mars | Loftæfingar 20:30-21:30 | Púðuræfingar 20:30-21:30 |
| Apríl | Loftæfingar 20:30-21:30 | Púðuræfingar 20:30-21:30 |
Lokahófið laugardaginn 7. október
Lokahóf Skotfélagsins verður á laugardaginn, mæting er kl.10 upp á skotsvæði. Keppt verður í þríþraut haglagreina og þríþraut kúlugreina.
Í þríþraut í haglagreinum verða skotnir þrír hringir: einn trapp, einn skeet og einn sporting, mótagjald: 2500 kr. (innifalið hringir/dúfur).
Í þríþraut kúlugreina verður breyting á en þar verður skotið VFS með veiðirifflum, 2 blöð =10 skot, BR 50, 25 skot og silhouettur 10 skot (40 og 60 m), mótagjald 1000 kr.
Þegar skotkeppnum er lokið fara menn heim og skipta yfir í sparigírinn og hittast aftur yfir sameiginlegum kvöldverði sem hefst kl.19:00.
Inniaðstaðan
Þá fer vetrarstarfið að fara í gang í inniaðstöðunni og stefnan er sett á fyrstu opnun mánudagskvöldið 2. október kl.20:30-22.
Farið verður í smá vinnu við að græja fyrir veturinn og svo verður loftskammbyssuæfing í framhaldinu. Þeir sem hafa áhuga eru hvattir til að kíkja við hjá okkur.