Þá fer vetrarstarfið að fara í gang í inniaðstöðunni og stefnan er sett á fyrstu opnun mánudagskvöldið 2. október kl.20:30-22.
Farið verður í smá vinnu við að græja fyrir veturinn og svo verður loftskammbyssuæfing í framhaldinu. Þeir sem hafa áhuga eru hvattir til að kíkja við hjá okkur.
Opið verður á laugardögum í október frá kl.13-16
Einnig verður opið sunnudaginn 1. október kl.13-16
Lokahóf Skotfélags Akureyrar verður með smá nýbreytni þetta árið þar sem keppnir í hagla og riffilgreinum hefjast kl.10:00 og verða kláraðar.
Svo er ætlast til að fólk fari heim og komi sér í betrigallann og mæti til veislu um kl.19:00. Staðsetning og skipulag á því er ekki alveg komin á hreint en verður auglýst betur síðar.
Gott væri að félagsmenn skrái sig á viðburðinn á síðu félagsins á Fésbókinni, um það hvort það hyggist taka þátt svo meta megi magn af veitingum og stærð á sal.
Dagana 31.júlí til 3. ágúst verður opið kl.19 – 22.
Lokað verður um verslunarmannahelgina
(laugardag, sunnudag og mánudag).
Opnunartími í ágúst frá og með þriðjudeginum 8. ágúst verður kl. 18-21 á mánud., þriðjud., miðvikud. og fimmtudögum.
Áfram verður opið kl.13-17 um helgar (lau. og sun.)
Mikið líf var á svæði Skotfélagsins um helgina, þegar þrenn haglabyssumót voru haldin.
Á föstudagskvöldinu var haldið byrjendamót í Sporting þar sem 8 keppendur mættu til leiks.
Laugardag og sunnudag var Norðurlandsmeistaramótið í skeet, þar sem einnig mættu 8 keppendur. Hér má sjá úrslit úr mótinu.
Að lokum var Eldhafsmótið í Sporting haldið seinnipart sunnudagsins, með 13 keppendum.
Um helgina verður Norðurlandsmeistaramótið í Skeet haldið á Akureyri. Mótið hefst á laugardegi kl.10 og verður boðið upp á keppnisæfingu á föstudegi kl.19-20:30
Riðlaskiptingu má sjá hér og úrslit birtast í sama skjali þegar móti lýkur.
Metþátttaka var í BR50 sumarmóti félagsins sem haldið var miðvikudaginn 5. júlí í blíðskaparveðri. 14 keppendur mættu til leiks og fengum við heimsókn frá Skotfélagi Austurlands og Markviss á Blönduósi.
Jónbi gerði sér lítið fyrir og vann mótið með 244 stig sem getur ekki annað en talist frábær árangur, Bubbi varð annar með 236 stig og þriðji varð Finnur með 235 stig. Sjá önnur úrslit á meðfylgjandi mynd.
Byrjendamót í Skeet var haldið miðvikudaginn 28. júní. 5 keppendur mættu til leiks. Sjá úrslit á meðfylgjandi mynd.
Benchrest mótið sem vera átti 1. júlí hefur verið aflýst.
BR50 sumarmótið sem vera átti fimmtudaginn 6. júlí færist fram á miðvikudaginn 5. júlí.
Næstkomandi föstudagur er allra síðasti dagur til að taka skotpróf fyrir hreindýraveiðarnar í haust. Þeir sem eiga eftir að taka próf eru beðnir um að hafa samband við prófdómara sem fyrst til að tryggja sér tíma í próf hjá þeim. Sjá nánar hér.
