Búið er að uppfæra opnunartíma Skotfélags Akureyrar á heimasíðu undir flipanum opnunartímar 2023.
Enn það er komi að því að opna og er fyrsta opnun í kvöld. Opið verður frá 18-22 og að sjálfsögðu er heitt á könnunni.
Hlökkum til að sjá ykkur.
Category: Compak Sporting
Minningamótið um Gísla Ólafsson
Minningamótið um Gísla Ólafsson var haldið í blíðskaparveðri í kvöld 😎 Mætingin var með eindæmum góð og mikil gleði við völd. Leikar fóru þannig að Jói Ævars sigraði á 69 dúfum, í öðru sæti varð Hilmar á 68 eftir bráðabana við Bubba sem endaði þriðji. 👍
Minningarmót Gísla ólafssonar
Hið árlega minningarmót um Gísla Ólafson var haldið mánudagskvöldið 6 júní í blíðskaparveðri þar sem 14.keppendur mættu til leiks. Leikar fóru þannig að Gunnar Þór sigraði mótið á 71/75 Bragi Óskars hafnaði svo 2.eftir bráðabana við Jóhann Ævarsson á 67/75.
Íslandsmeistari í Comapk Sporting 2021
Íslandsmeistaramót í Compak Sporting var haldið af Skotíþróttafélagi Hafnafjarðar á skotsvæði Skotreynar á Álfsnesi um helgina. Stefán Gaukur Rafnsson ofurskytta frá Skotfélag Akureyrar varð Íslandsmeistari 2021 eftir æsispennandi bráðabana við Ævar Svein Sveinson fyrrum Íslandsmeistara í greininni eftir að hafa báðir skotið 187.dúfur af 200. Í bráðarbana skaut Ævar 22.dúfur en Stefán Gaukur 23.dúfur. Og erum við að vonum ánægð með kappan og óskum honum innilega til hamingju með titilinn. Einnig eignaðist Skotfélag Akureyrar fleiri Íslandsmeistara á þessu móti þar sem samhlið fer fram liðakeppni, Skotfélag Akureyrar átti auðvitað vaska sveit manna á mótinu (svokölluð ofursveit) sem var skipuð Stafáni Gauk, Ragnari Má Helagasyni og Gunnari Þór Þórarnarsyni. og voru þeir með 547.stig og óskum við þeim innilega til hamingju.
Landsmót nr.2 í Compak sporting
Landsmót nr.2 í Compak sporting fór fram á skotsvæði Skotfélags Akureyrar um helgina í frábærum félagsskap og geggjuðu veðri. Í karlaflokki sigraði Ævar Sveinn Sveinsson úr SÍH með 178 stig, Þórir Guðnason úr SÍH varð annar með 176 eftir bráðabana við Jóhann Ævarsson úr SA. Í kvennaflokki sigraði Dagný H. Hinriksdóttir úr SR með 154 stig, Líf Katla Angelica úr SA varð önnur með 128 stig og Guðrún Hjaltalín úr SKA þriðja með 119 stig. Í unglingaflokki sigraði Felix Jónsson úr SÍH með 167 stig, Viðar Hilmarsson úr SA varð annar með 159 stig og í þriðja sæti Friðbert Bjarkason úr SR með 75 stig. Í liðakeppninni sigraði A-sveit SÍH með 520 stig, önnur B-sveit SÍH og í 3ja sæti A-sveit SA. Okkur hjá Skotfélagi Akureyrar langar að þakka keppendum og öðrum gestum kærlega fyrir komuna og frábæra samveru um helgina.
Landsmót CS (Arctic shooting open)
Þá er frábæri helgi lokið hjá Skotfélagi Akureyrar þar sem fram fór Landsmót í Compak Sporting (Arctic shotting open) í frábæru skotveðri og félagsskap. Jón Valgeirsson frá SÍH bar sigur úr bítum í karlaflokki, Snjólaug María Jónsdóttir frá Markviss sigraði í kvennaflokki og Viðar Hilmarsson frá SA í unglinglingaflokki. Samhliða mótinu var einnig liðakeppni þar sem A-sveit SÍH bar sigur úr bítum. Skotfélag Akureyrar þakkar keppendum öllum kærlega fyrir komuna og frábæra samveru alla helgina.
Minningarmót Gísla Ólafssonar
Minningarmót Gísla Ólafssonar var haldið í gærkvöldi í góðra manna hópi og auðvitað frábæru veðri. Fóru leikar þannig að Jói Ævars varð Gíslameistari 2021. Bragi Óskars varð í öðru sæti eftir bráðabana við Gunnar Þór og Gunni i því þriðja.
Benelli mótið 2021
Fyrsta mót sumarsins fór fram í dag og að sjálfsögðu í blíðskaparveðri. Mótið var í boði Veiðihúsið saka/Benelli og var Kjarri umboðsmaður mætti norður með troðfullan bíl af verlaunum.
Úrslit mótsins voru þannig að í flokknum óvanir varð Þorsteinn í 3.sæti á 35.dúfum Hallur í 2.sæti á 50.dúfum og Heimir í 1.sæti á 58.dúfu Í flokknum vanir fór þannig að Gunnar Þór varð í 3.sæti á 66.dúfum Bragi Óskars í 2.sæti á 69.dúfum og Teddi í 1.sæti á 70.dúfum.
Voru keppendur sammála um að þetta hefði verið gríðarlega skemmtilegt og vel skipulagt mót. Að endingu langar okkur hjá Skotfélagi Akureyrar að þakka keppendum og Veiðihúsinu Sökku kærlega fyrir að gera daginn og mótið svona frábært.
Mótaskrá haglagreina 2021
Mótaskrá haglagreina 2021 kominn á heimasíðu okkar. Nú er bara að bíða eftir að mótanefnd riffilgreina komi með sína svo hægt sé að byrta hana líka.
Landsmót Compak Sporting 20.-21. júlí 2020
Um helgina verður Landsmót í Compak Sporting haldið á svæði Skotfélags Akureyrar, frá kl.10 til 15 báða dagana.
Því verða haglavellir svæðisins lokaðir meðan á móti stendur en allir sem hafa áhuga á að koma og fylgjast með mótinu eru velkomnir á svæðið.
Fyrir þá sem vilja fylgjast með framvindu mótsins.
Landsmót Akureyri 20.-21. júlí